ទូរស័ព្ទ Galaxy F នាពេលខាងមុខរបស់ក្រុមហ៊ុន Samsung នឹងមានបន្ទះអេក្រង់ទំហំ ៧,៣ អ៊ីងដ៏ធំមួយដែលអាចបត់ចូលគ្នាបានជាមួយនឹងអេក្រង់ទំហំ ៤,៥៨ អ៊ីងនៅខាងក្រៅមួយទៀត ។ វាត្រូវបានគេរាយការណ៍ថានឹងមានថ្មចំនួនពីរផងដែរ ដែលសមត្ថភាពសរុបត្រូវបានគេរំពឹងថានឹងមានប្រហែលពី 5,000 ទៅ 6,000mAh ។
គេបានប៉ាន់ប្រមាណថាទូរស័ព្ទ Galaxy F នឹងមានតម្លៃចំនួន ១៨០០ ដុល្លារ ។ ស្មាតហ្វូន Samsung Galaxy F នេះដែរនឹងក្លាយជាឧបករណ៍ដំបូងបង្អស់ដែលមានអេក្រង់អាចបត់ចូលគ្នាបាន ។
ក្រុមអ្នកវិភាគកំពុងព្យាករណ៍ថា ការលក់នឹងទទួលបានចំនួនសមរម្យប្រហែល ៣,៥ លាន គ្រឿងនៅឆ្នាំក្រោយ ហើយដែលអាចនឹងកើនឡើងយ៉ាងឆាប់រហ័សរហូតដល់ ២៤ លានគ្រឿង នៅឆ្នាំ ២០២២ ៕ប្រភពប្រជាប្រិយ
