(កណ្តាល) ក្មេងស្រី២នាក់ភ្លោះបានស្លាប់ ដោយសារ ការធ្វេសប្រហែសរបស់មីង យកក្មេងស្រីទាំងនោះអោយឈរក្បែរប្រឡាយទឹករួច យកបាយទៅអោយម្តាយដែលកំពុងច្រូតស្រូវនៅក្បែរនោះ ត្រឡប់មកវិញបាត់ក្មេងអស់ ។ ហេតុការណ៍នេះបានកើតឡើងនៅថ្ងៃទី១០ ខែធ្នូ ឆ្នាំ២០១៨ កើតហេតុថ្ងៃទី១០ ខែធ្នូឆ្នាំ២០១៨ នៅវេលាម៉ោងប្រហែល ៨និង៣០នាទី នៅចំណុចក្នុងប្រឡាយទឹកជម្រៅ ទឹកប្រហែល២ ម៉ែត្រស្ថិតនៅក្នុងភូមិទួលសេរី ឃុំទួលព្រេជ ស្រុកអង្គស្នួល ខេត្តកណ្តាល។
ជនរងគ្រោះទី០១ឈ្មោះ ប៉ិច រក្សា ភេទស្រីអាយុ៩ឆ្នាំ ជនជាតិខ្មែរ នៅក្នុងបន្ទុកឪពុក ម្តាយ ស្ថិតនៅភូមិអន្ទង់ក្រវៀន ឃុំម្កាក់ស្រុកអង្គស្នួល ខេត្តកណ្តាល និងប្អូនឈ្មោះ ប៉ិច រម្យនា ភេទស្រី អាយុ៤ឆ្នាំ នៅក្នុងបន្ទុកឪពុក ម្តាយស្ថិតនៅភូមិ អន្ទង់ក្រវៀន ឃុំម្កាក់ស្រុកអង្គស្នួល ខេត្តកណ្ដាល។ ម្តាយឈ្មោះឡាង ប៊ុនណាង ភេទស្រី អាយុ២៨ឆ្នាំ មុខរបរអ្នកសំអាងការ ស្ថិតនៅភូមិអន្ទង់ក្រវៀន ឃុំម្កាក់ ស្រុកអង្គស្នួល ខេត្តកណ្ដាល ។
ម្ដាយបានរៀបរាបទាំងទឹកភ្នែកថា គាត់ បានយកកូន២នាក់ស្រីទៅផ្ញើ ឪពុកម្តាយ នៅភូមិទួលសេរី ឃុំទួលព្រេជ ស្រុកអង្គស្នួល រយៈពេល៣ថ្ងៃហើយដោយសារខ្លួនជាប់រវល់ ដើរភ្នួងគេទាំង២នាក់ប្តី រហូតដល់ថ្ងៃទី១០ ខែធ្នូ ឆ្នាំ២០១៨ ប្រហែលម៉ោង៨និង១០នាទីបានដំណឹងពីឈ្មោះ ឆុន មុំ ភេទស្រី អាយុ៣៥ឆ្នាំ មុខរបរកសិករនៅភូមិទួលសេរី ឃុំទួល ព្រេជ ស្រុកអង្គស្នួល ត្រូវជាប្អូនរបស់ប្តីនាង បានតេប្រាប់ថាកូនរបស់បងឯងលង់ទឹកប្រឡាយខាងត្បូងភូមិទាំង២នាក់ស្លាប់ហើយ ដោយសារ វាទៅតាមខ្ញុំ និង កូនខ្ញុំ ហើយកូនខ្ញុំវាលង់ទឹកដែរតែវានៅរស់ទេដោយសារ ខ្ញុំយកបាយទៅឲ្យម្តាយកំពុងតែច្រូតស្រូវនៅខាងត្បូងប្រឡាយ មូលហេតុមកពីខ្ញុំឲ្យវាទាំង៣នាក់ឈរចាំមាត់ប្រឡាយ ពេលខ្ញុំត្រឡប់មកវិញឃើញតែកូនខ្ញុំហែលទឹកខ្វៃៗខ្ញុំក៏ស្រែកហៅអ្នកភូមិមកជួយស្រង់តែកូនបងឯងទាំង២ស្លាប់ហើយ ពេលនោះខ្ញុំក៏មកដល់ ស្រាប់តែឃើញកូនស្រីទាំង២ស្លាប់មែន ខ្ញុំក៏យកសពកូនស្រីទៅផ្ទះវិញ។
ក្រោយមកសមត្ថកិច្ចនគរបាលផ្នែកពិនិត្យ វិភាគកន្លែងកើតហេតុស្រុកអង្គស្នួល មកដល់កន្លែងកើតហេតុ ដោយមានចូលរួមពីលោក ក្រុមប្រឹក្សាឃុំគ្រូពេទ្យមេភូមិនគរបាលប៉ុស្តិ៍ ប្តី ប្រពន្ធបងប្អូន បានធ្វើការពិនិត្យ លើជនរងគ្រោះគ្មានស្នាកស្នាមអ្វីទេ ពិតជាស្លាប់ដោយសារ លង់ទឹក ដោយឡែកសពបានប្រគល់ជូនគ្រួសារ យកទៅធ្វើបុណ្យតាមប្រពៃណី៕ប្រភពFB
