កំលាំងនគរបាលជំនាញនៃស្នងការនគរបាលខេត្តកំពង់ស្ពឺ បើកប្រតិបត្ដិការស្រាវជ្រាវនិងបំបែកសំណុំរឿងដ៏ក្ដៅគគុក ពាក់ព័ន្ធករណីក្លែងព័ត៌មានថាមានចោរចូលលួចយកវត្ថុមានតម្លៃ និងគាស់ទ្វារកុដ្ឋអស់ប្រាក់រាប់សិបលានរៀល នៅក្នុងវត្តទេពឧណ្ណារាម ឃុំព្នាយ ស្រុកសំរោងទង ខេត្តកំពង់ស្ពឺ ។
កំពង់ស្ពឺ ៖ កាលពីថ្ងៃទី២៩ខែ១១ឆ្នាំ២០១៨ វេលាម៉ោង០២៖២៧នាទី មានព្រះសង្ឍមួយអង្គព្រះនាម ម៉ន អឿន ជាព្រះចៅអធិការវត្តទេពឧណ្ណារាម ស្ថិតក្នុងភូមិសំពៅងរ ឃុំព្នាយ ស្រុកសំរោងទង បានមកប្តឹងនៅអធិការដ្ឋាននគរបាលស្រុកសំរោងទង ថាមានចោរចូលគាស់ទ្វារកុដ្ឋលួចយកសម្ភារៈមានតម្លៃនិងប្រាក់រាប់សិបលានរៀល(ប្រាក់កឋិនទាន) ។
ក្រោយពីទទួលពាក្យបណ្ដឹងជំនាញធ្វើការស្រាវជ្រាវរហូតបំបែកសំណុំរឿងនិងកំណត់បានមុខសញ្ញាប្រព្រឹត្ដបទល្មើសជាក់ស្ដែងដោយពិនិត្យតាមលក្ខណៈបច្ចេកទេសវិទ្យាសាស្ត្រនិងមានតម្រុយភិនភាគស្លាកស្នាមមួយចំនួនដែលអាចធ្វើ ការកត់សំគាល់អំពីអត្ដសញ្ញាណជនសង្ស័យ បន្ទាប់ពីធ្វើការយ៉ាងយកចិត្ដទុកគឺជំនាញកំណត់បានមុខសញ្ញាក្នុងករណីខាងលើគឺជាដើមបណ្ដឹងតែម្ដងឈ្មោះ ម៉ន អឿន ភេទប្រុស អាយុ ៤២ឆ្នាំ ជាព្រះចៅអធិការវត្តទេពឧណ្ណារាម ដែលបានប្រឌិតព័ត៌មាន និងបានរៀបចំភស្ដុតាងស្លាកស្នាមក្លែងបន្លំសមត្ថកិច្ច ដោយបានយកប្រាក់អស់ចំនួន 16050000រៀល និងប្រាក់ដុល្លាចំនួន 900
ដុល្លាហើយគប់បំបែកកញ្ចក់ទ្វារឲ្យបែកគាស់ទ្វារដែកធ្វើដូចចោរគាស់ ។
នៅថ្ងៃទី៣០ ខែវិច្ឆិកា ឆ្នាំ២០១៨ កម្លាំងនគរបាលក្រោមការចង្អុលណែនាំរបស់លោកឧត្ដមសេនីទោ សម សាមួន ស្នងការនគរបាលខេត្ត បានចុះធ្វើការស្រាវជ្រាវបន្ថែមរហូតធ្វើឲ្យជនសង្ស័យខាងលើឆ្លើយសារភាពថាខ្លួនពិតជាបានប្រព្រឹត្ដនិងបានរៀបចំផែនការនេះដោយខ្លួនឯងពិតប្រាកដមែន(ផ្ទាល់ព្រះអង្គ)។
តាមការឲ្យដឹងបន្ថែមពីលោកវរសេនីយ៍ឯក ឃុតសុផល អធិការស្រុកសំរោងទង បញ្ជាក់ថាមូលហេតុដែលនាំឲ្យអតីតសង្ឍអង្គនេះរៀបចំផែនការលួចយកប្រាក់របស់វត្ដគឺដោយសារតែមានបញ្ហផ្ទាល់ខ្លួនជំពាក់លុយគេដោះស្រាយមិនចេញបែកគំនិតរៀបចំផែនការថាចោរលួច។ បច្ចុប្បន្នមុខសញ្ញាខាងលើជំនាញបានបញ្ជូនមកស្នងការដ្ឋាននគរបាលខេត្ដកំពង់ស្ពឺ ចាត់ការតាម នីតិវិធី៕
ប្រភព៖ ស្នងការដ្ឋាននគរបាលខេត្តកំពង់ស្ពឺ PL
