(ភ្នំពេញ) នៅព្រឹកថ្ងៃទី២២ ខែវិច្ឆិកា ឆ្នាំ២០១៨នេះ រដ្ឋបាលរាជធានីភ្នំពេញ បានរៀបចំពិធីសូត្រមន្ត បង្សុកូល និងរាប់បាត្រព្រះសង្ឃ ទៅតាមទំនៀមទម្លាប់ប្រពៃណីសាសនា ក្នុងបំណងដើម្បីឧទ្ទិសកុសលដល់ជនរងគ្រោះដែលបានស្លាប់បាត់បង់ជីវិតគម្រប់ខូប៨ឆ្នាំ (២២ វិច្ឆិកា ២០១០-២២ វិច្ឆិកា ២០១៨) ក្នុងឧបទ្ទវហេតុរត់ជាន់គ្នាលើអតីតស្ពានពេជ្រ ឆ្លងទៅទីក្រុងកោះពេជ្រ កាលពីយប់ថ្ងៃទី២២ វិច្ឆិកា ២០១០ ឬថ្ងៃទី៣ នៃព្រះរាជពិធីបុណ្យអុំទូក ក្រោយអធិបតីភាព ឯកឧត្តម ស៊ុយ សារិទ្ធ អភិបាលរងរាជធានី តំណាងដ៏ខ្ពង់ខ្ពស់ឯកឧត្តម ឃួង ស្រេង អភិបាលរាជធានីភ្នំពេញ និងមន្ត្រីជាច្រើននាក់ និងបងប្អូនសាច់ញាតិទាំងអស់ ។
ឯកឧត្តម ស៊ុយ សារិទ្ធិបានឲ្យដឹងថា ៖រដ្ឋបាលរាជធានីនឹងធ្វើការប្រារព្ធពិធីសូត្រមន្តបង្សុកូលនិងរាប់បាត្រព្រះសង្ឃដើម្បីឧទ្ទិសកុសលជូនវិញ្ញាណក្ខន្ធជនរងគ្រោះក្នុងឧបទ្ទវហេតុ លើអតីតស្ពានពេជ្រ នៃទីក្រុងកោះពេជ្រ ។
ឯកឧត្តមបានបន្ថែមថា ៖ ពិធីរំលឹកវិញ្ញាណក្ខន្ធនឹងធ្វើនៅខាងមុខស្តូបរំលឹកវិញ្ញាណក្ខន្ធជនរងគ្រោះស្ថិតនៅជាប់ស្ពាននាគ នៃតំបន់កោះពេជ្រ ជាទីដែលជនរងគ្រោះបានបាត់បង់ជីវិតកាលពី ៨ឆ្នាំមុន ដោយមានការចូលរួមពី លោក ស៊ុយ សេរិទ្ធ អភិបាលរង រាជធានីភ្នំពេញ និង លោកជួប ខុន សមាជិក ក្រុមប្រឹក្សារាជធានីភ្នំពេញ, មន្ត្រីរាជការ, អាជ្ញាធរដែនដី, សាច់ញាតិក្រុមគ្រួសារបស់ជនរងគ្រោះ និងប្រជាពលរដ្ឋទៀតផងដែរ ។
គួរំឡឹកថា៖ ពិធីនេះធ្វើឡើងតាមបែបសាសនាដើម្បីឧទ្ទិសកុសលជូនដួងវិញ្ញាណក្ខន្ធជូនជនរង គ្រោះនៅលើស្ពានពេជ្រ និងសូមបូងសូងឲ្យដួងវិញ្ញាណក្ខន្ធអ្នកដែលបានស្លាប់ទាំងនោះ សូមបានទៅកាន់សុគតិភពកុំបីឃ្លៀងឃ្លាតឡើយ ។
ម្យ៉ាងទៀតក៏បានបង្ហាញឲ្យឃើញពីមនោសញ្ចេតនាសោកស្តាយ អាឡោះអាល័យយ៉ាងក្រៃលែងជាមួយក្រុមគ្រួសារនៃជនរងគ្រោះចំពោះការបាត់ បង់សមាជិកគ្រួសារ ក្នុងហេតុការ ណ៍ដ៏សោក ស ង្រេងកាលពី៨ឆ្នាំមុន។
សូមបញ្ជាក់ថា៖ កាលពីយប់ថ្ងៃទី២២ខែវិច្ឆិកាឆ្នាំ២០១០ក្នុងព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ មានឧបទ្ទវហេតុរត់ជាន់គ្នាបានកើតឡើងនៅលើស្ពានកោះពេជ្របណ្តាល ឲ្យមនុស្សស្លាប់ ៣៥៣នាក់ និងរងរបួសជាង៤០០នាក់ផងដែរ ៕
