ភ្នំពេញ៖ ហេតុការណ៍នេះបានកើតឡើងកាលពីវេលាម៉ោង៧និង៤៩នាទីថ្ងៃទី១៨ ខែវិច្ឆិកា ឆ្នាំ២០១៨ ស្ថិតនៅតាមផ្លូវជាតិលេខ៥ ត្រង់ចំណុចមុនការ៉ាស់សាំងសូគីមិច ភូមិឃ្លាំងសាំង សង្កាត់ឬស្សីកែវ ខណ្ឌឬស្សីកែវ។
រថយន្តបង្ករម៉ាកហ៊ីយ៉ាន់ដាយ ពណ៌ស ពាក់ស្លាកលេខ បន្ទាយមានជ័យ 3A-0284។
រថយន្តរងគ្រោះម៉ាកឡិចស៊ីស ពណ៌ស ពាក់ស្លាកលេខ ភ្នំពេញ 2AE-1061 អ្នកបើករថយន្តទាំង២នាក់មិនត្រូវបានស្គាល់ឈ្មោះឡើយ។
មុនកើតហេតុ ឃើញរថយន្តខាងលើ បើកស្របទិសគ្នាតាមបណ្តោយផ្លូវជាតិលេខ៥ ពីជើងទៅត្បូងដោយរថយន្តឡិចស៊ីសរងគ្រោះបើកមុខរថយន្តហ៊ីយ៉ាន់ដាយដឹកអំបិលបើកខាងក្រោយ លុះមកដល់ចំណុចកើតហេតុ ខណ:ពេលរថយន្តឡិចស៊ីសឈប់ស្កុបរថយន្តហ៊ីយ៉ាន់ដាយដឹកអំបិលជ្រុលបុកគូទក្រោយផ្នែកខាងឆ្វេងខូចខាតរួចបួងចង្កូតមកឆ្វេងដៃឡើងឃឿនទ្រូងផ្លូវទៅមុខលែងរួច។
ភាគីរថយន្តបង្កបានដោះស្រាយចេញថ្លៃជួសជុលរថយន្តឡិចស៊ីសបញ្ចប់រឿង។ ចំណែករថយន្តហ៊ីយ៉ាន់ដាយដឹកអំបិល ដោយសារប៉ះពាល់ដល់ឃឿនទ្រូងផ្លូវសារណ:របស់រដ្ឋ ត្រូវបានសមត្ថកិច្ចជំនាញក្រុងវាស់វែងយកទៅរក្សាទុកនៅការិយាល័យជើងគោកដោះស្រាយពេលក្រោយ៕
ប្រភព៖ FB
