សង្ឃក្លែងក្លាយម្នាក់ ក្នុងចំណោម២នាក់ត្រូវ ប្រជាពលរដ្ឋចាប់ប្រគល់អោយសមត្ថកិច្ច បន្ទាប់ដើរអង្គាស់លុយតាមផ្ទះ

តាមសម្តីយុវជនកំហូច រូបនេះ បានឲ្យដឹងថា ពួកគាត់ ពិតជា មានមុខរបរ ជាជាងដែក នៅសង្កាត់ច្បារអំពៅ ខណ្ឌច្បារអំពៅ ប្រាក់ខែក្នុងមួយខែ១៨០ដុល្លា តែប្រាក់ខែ ស៊ីចាយ មិនគ្រប់គ្រាន់ សម្រាប់ពួកគេទាំង២នាក់ ក៏បែកគំនិតមួយ នាំគ្នាទៅរកទិញស្បងជីវ មកស្លៀក គ្រង ហើយដើរអង្គាសលុយ តាមទីសាធារណៈ តាមភូមិ អស់រយៈពេល ជាង១០ថ្ងៃមកហើយ ទើបតែរយៈពេល៥ថ្ងៃនេះ មកសង្ងំស្នាក់នៅក្នុងខណ្ឌពោធិសែនជ័យ ថ្ងៃឡើង ស្លៀក ស្បង ដើរអង្គាសលុយ ក្នុងភូមិ ថ្មគោល ត្រពាំងថ្លឹង បានលុយក្នុងមួយថ្ងៃ ពី១០មុឺនរៀល ទៅជាង១០មុឺនរៀល ស៊ីចាយពេលយប់ ដេកផ្ទះសំណាក់ ទើបតែនៅព្រឹក ថ្ងៃទី១៧ ខែវិច្ឆិកា នេះចុះចេញពីផ្ទះសំណាក់ នៅម្តុំភូមិត្រពាំងថ្លឹង សង្កាត់ចោមចៅ១ គោលដៅអង្គាសលុយ នៅក្នុងភូមិថ្មគោល ទើបតែបានលុយជាង២មុឺនរៀល ត្រូវបានពលរដ្ឋតាមទាន់ ដឹង បែកធ្លាយរឿង ឃាត់ខ្លួននាំទៅសាលាសង្កាត់ចោមចៅ២ តែម្តង ។

លោក វ៉ា សារ៉ង ចៅសង្កាត់ចោមចៅ២ បានឲ្យដឹងថា ជនកំហូចរូបនេះ បន្លំស្លៀកស្បងជីវ ធ្វើជាសង្ឃក្លែងក្លាយ ពលរដ្ឋដឹងរឿង ចាប់ឃាត់ នាំមកប្រគល់ឲ្យអាជ្ញាធរ ហើយអាជ្ញាធរ សង្កាត់បានរាយការណ៍ទៅការិយាល័យធម្មការខណ្ឌ ដើម្បីសុំដកស្បងជីវ សម្ភារពាក់ព័ន្ធ ទុក ហើយឲ្យធ្វើកិច្ចសន្យា អប់រំ បញ្ឈប់នូវសកម្មភាព បែបប៉ះពាល់ដល់វិស័យសាសនា ព្រះពុទ្ធសាសនា ជាសាសនារបស់រដ្ឋ រួចទើបអនុញាតឲ្យវិលត្រឡប់ទៅវិញ ៕ប្រភពFB