(កែប) ក្មេងស្រីម្នាក់ បានឆក់ខ្សែភ្លើង បណ្តាលឲ្យស្លាប់ កាលពីម៉ោង ៥និង៣០នាទីល្ងាច ថ្ងៃទី១១ ខែសីហា ឆ្នាំ២០១៨ ចំណុចក្បែរផ្ទះជនរងគ្រោះ ស្ថិតនៅ ភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប។
លោកឧត្តមសេនីយ៍ទោ អ៊ីង សំអុល ស្នងការនគរបាលខេត្តកែប បានឲ្យដឹងថា៖ កុមារីរងគ្រោះ ឈ្មោះ សំ ក្តី ភេទស្រី អាយុ១០ឆ្នាំ មានឳពុកម្តាយ ជាកសិករ មានទីលំនៅ ភូមិ សង្កាត់ កើតហេតុ។ លោក ស្នងការ បន្តថា កុមារីរងគ្រោះ បានស្លាប់នៅនឹងកន្លែងកើតហេតុ ខណៈ ជនរងគ្រោះ ទៅកាន់ខ្សែភ្លើងដែលកំពុងមានចរន្តភ្លើងឆ្លងកាត់ បានដាច់ធ្លាក់ចុះមកដី បណ្តាលស្លាប់ភ្លាមនៅកន្លែង ក្រុមគ្រួសារសពរៀបធ្វើបុណ្យតាមប្រណី ដោយភាពខ្លោចផ្សាបំផុត ៕ប្រភពFB
