ធ្លាប់តែមានផ្លែឪឡឹក ធំៗ មិនធ្លាប់មានផ្លែឪឡឹកប៉ុនមេដៃ បើនិយាយពី ឪឡឹកផ្ទុកសារធាតុទឹកចំនួន ៩៥ភាគរយ បើយើងហូបឪឡឹក វានឹងធ្វើឲ្យរាងកាយ របស់យើងត្រជាក់ផ្នែកខាងក្នុង នៅពេលដែលអាកាសធាតុក្តៅ ប៉ុន្តែនៅពេលដែលយើងក្តៅខ្លួន គឺបែជាមិនអាចញ៉ាំបានទេ ។
ភាគច្រើននៅតំបន់អាស៊ីយើងនេះ មានផ្លែឪឡឹកមានទំហំធំ និងធ្ងន់ ហើយផ្លែឪឡឹកខ្លះធំខ្លាំងរហូដល់យើងហូប ២នាក់ក៏មិនអស់ដែរ ប៉ុន្តែមិនធ្លាប់មាន និងមិនធ្លាប់ឃើញថា មានផ្លែឪឡឹកទំហំតូចដ៏ប៉ុនមេដៃបែបនេះឡើយ។ ឪឡឹកទំហំតូចបែបនេះ មើលទៅគួរឲ្យស្រឡាញ់ម្យ៉ាងដែរ គឺមានទំហំធំជាងផ្លែទំពាំងបាយជូរបន្តិច ហើយមើលពិតជាទាក់ ទាញខ្លាំងណាស់។ វាគឺជាប្រភេទពូជឪឡឹកតឿ ដែលមានដើមកំណើតមកពីប្រទេសមិចស៊ិចកូ និងអាមេរិចកណ្តាល។ សំរាប់នៅប្រទេសមិចស៊ិចកូវិញ វាត្រូវបានគេហៅថាជាត្រសក់ជូរ ឬត្រសក់កណ្តុរ។ ឪឡឹកតឿនេះ វាមានភាពខុសប្លែកពីឪឡឹកនៅតំបន់ត្រូពិច ខុសគ្នាត្រងពណ៌ខាងក្នុង និងរស់ជាតិរបស់វា។ ផ្នែកខាងក្នុងរបស់វា មានពណ៌បៃតង់ និងមានរស់ជាតិដូចត្រសក់។ យើងក៏អាចហូបបានផ្លែទាំងមូល ទាំងសំបកផងដែរ។ ថ្មីត្បិតមានទំហំតូចជាឪឡឹកធម្មតាមែន ប៉ុន្តែឪឡឹកតឿនេះ មានសារធាតុចិញ្ជឹមខ្ពស់ជាងឪឡឹកធម្មតា។ ក្រៅពីហូបធម្មតា វាក៏អាចត្រូវគេយកធ្វើជាជ្រក់ ញាំ និងដាក់ជាមួយស្រាក្រឡុកផងដែរ៕
