ខេត្តស្ទឹងត្រែង៖ ហេតុការណ៍នេះ បានកើតឡើងវេលា ម៉ោង១១ៈ១៥នាទីថ្ងៃទី២៤ ខែកុម្ភៈ ឆ្នាំ២០២០ នៅចំណុចផ្លូវបំបែក ចូលចុងភូមិត្រពាំងព្រៃ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង ។
មុនពេលកើតហេតុ អេស្ការកំពុងកាយប្រឡាយរំដោះទឹកសុខៗ ស្រាប់តែមានអណ្តាតភ្លើងឆេះឡើង ម្ចាស់សង្ស័យថា អាចឆ្លងចរន្ត ឬបែកទុយយោប្រេងធ្លាក់មកលើម៉ាស៉ីន ទើបបង្កជាអណ្តាតភ្លើង ឆេះឡើងយ៉ាងសន្ធោសន្ធៅ ធ្វើឲ្យម្ចាស់ហួសចិត្ត ភ័យស្លន់ស្លោ និងសោកស្តាយ ព្រោះគ្រឿងចក្រនេះ ទើបតែទិញគេ
តម្លៃ១៤ម៉ឺនដុល្លារ មិនទាន់យកចូលផ្ទះផងនោះ ស្រាប់តែមានហេតុការណ៍ដូច្នេះ។
ម្ចាស់អេស្ការមានឈ្មោះ ប៉ុន ចាន់ឌី មានស្រុកកំណើតនៅ ស្រុកអូរជ្រៅ ខេត្តឧត្តរមានជ័យ បច្ចុប្បន្នរស់នៅ ភូមិត្រពាំងព្រៃ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង ជាម្ចាស់គ្រឿងចក្រដែលឆេះនោះ បាននិយាយថា: គ្រឿងចក្រនេះជារបស់ខ្លួនទើបតែទិញ តំលៃ១៤ម៉ីនដុល្លា នៅមិនទាន់បានចូលផ្ទះផង ស្រាប់តែមានហេតុការណ៍ នេះកើតឡើងឆេះតែម្តង ធ្វើឲ្យគាត់នឹកស្មានមិនដល់។
ភ្លាមៗនោះក៍មានបងប្អូនជិតខាង មានឡានទឹកជួយពន្លត់ ក្រោយពេលរលត់ជិតអស់ហើយ ទើបមានរថយន្តពន្លត់អគ្គីភ័យ របស់អធិការស្រុកថាឡាបរិវ៉ាត់ មកជួយពន្លត់ដែរ។
លោកបញ្ចាក់ថា ដូចជាការឆេះនេះគឺវាខូចខាតអស់ទាំងស្រុង ហើយមិនអាចជួសជល់បានទេ មានតែកាប់សាច់លក់អេដចាយតែប៉ុណ្ណោះ ។
គួររំលឹកថាម្ចាស់គ្រឿងចក្រ ដែលឆេះនោះ មិនបានប្រាប់តៃកុងឈ្មោះអ្វីនោះទេ ថាអត់ស្គាល់ឈ្មោះ គ្រាន់តែប្រាប់ថាគេត្រូវរបួសបន្តិចបន្តួច ហើយក៍ឲ្យគេទៅផ្ទះហើយ៕
