ឧត្តរមានជ័យ៖ យូណាស់មិនធ្លាប់មានឡើយ ថាមានក្រុមចោរជើងល្អលួចក្រវិលកំប៉ុងស្រាបៀរ ទើបតែនៅថ្មីនេះ សមត្ថកិច្ចថា មានករណីជនសង្ស័យ បានលួចចូលតូបលក់ឥវ៉ាន់ចាប់ហួយ មួយកន្លែងរបស់ម្ចាស់ ឈ្មោះ សាំង រឿប ភេទស្រី អាយុ ៣៦ ឆ្នាំ រស់នៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ ដោយបានគាស់ស្រាបៀរជាង ២០កេស ដើម្បីយកក្រវិលកំប៉ុង ផ្សងសំណាងយករង្វាន់ធំ។
តាមការបញ្ជាក់របស់សមត្ថកិច្ចមកដល់ពេលនេះ ការស្រាវជ្រាវ នៅមិនទាន់រកឃើញ ជនសង្ស័យនៅឡើយទេ។ ករណីនេះ ជនសង្ស័យ ក៏មិនបានយកសម្ភារផ្សេងៗ ក្រៅពីក្រវិលកំប៉ុងស្រាបៀ លីអូ និងស្រាបៀអង្គរ រួមទាំអទឹកផ្លែឈើចម្រុះ អស់ចំនួន ២៦ កេស ទុកចោល ហើយយកតែក្រវិលកំប៉ុង ដែលគាស់មានរង្វាន់យកទៅតែប៉ុណ្ណោះ៕
