ឈាមស្រែកស្បែកហៅពេលនេះឃាតករដែលបានសម្លាប់នារីម៉ាស្សាក្នុងផ្ទះម្តុំផ្សារដើមថ្កូវ ត្រូវចាប់ខ្លួនបានហើយ…( មានវិដេអូ )

ភ្នំពេញ៖ ឈាមស្រែកស្បែកហៅពេលនេះឃាតករដែលបានសម្លាប់នារីម៉ាស្សាក្នុងផ្ទះម្តុំផ្សារដើមថ្កូវ ត្រូវចាប់ខ្លួនបានហើយនៅវេលាម៉ោង០១រសៀលថ្ងៃទី១៨ ខែមេសា ឆ្នាំ២០១៨នេះ ដោយបាននាំខ្លួនទៅសាកសួរនៅអធិកាដ្ឋានខណ្ឌចំការមន ។

កាលពីម្សិលមិញនេះមានហេតុការណ៍ដ៏រន្ធត់មួយបានកើតឡើង ដោយបង្ករឲ្យមានការភ្ញាក់ផ្អើលឆោឡោជាខ្លាំង កាលពីវេលាម៉ោង១០ព្រឹក ថ្ងៃទី១៧ ខែមេសា ឆ្នាំ២០១៨ ម្សិលមិញនេះ គឺនារីស្រស់ស្អាតម្នាក់ត្រូវបានជនដៃដល់សម្លាប់ នៅក្នុងផ្ទះមួយកន្លែងដែលមានទីតាំងស្ថិតនៅក្នុង សង្កាត់ផ្សារដើមថ្កូវ ខណ្ឌចំការមន។

ហើយនារីរងគ្រោះ ឈ្មោះសួង លីនណា អាយុ៣១ឆ្នាំ ជានារីម៉ាស្សា នៅហាងមួយកន្លែងក្បែររង្វង់មូលផ្សារដើមថ្កូវ និងមានស្រុកកំណើតនៅភូមិភ្នំសំពៅខាងកើត ឃុំភ្នំសំពៅ ស្រុកបាណន់ ខេត្តបាត់ដំបង ។ នារីរងគ្រោះជាស្ត្រីមេម៉ាយ មានកូនប្រុសតូចៗ២នាក់ ដោយម្នាក់អាយុ៥ឆ្នាំ និងម្នាក់ទៀត ទើបតែមានអាយុជាង២ឆ្នាំប៉ុណ្ណោះ។