ខេត្តត្បូងឃ្មុំ៖ នៅវេលាប្រហែលម៉ោង១០៖៥០នាទី ថ្ងៃទី១៨ ខែមេសា ឆ្នាំ២០១៨នេះ មានករណីអគ្គីភ័យបានលេបត្របាក់ផ្ទះបងប្អូនប្រជាពលរដ្ឋសរុបអស់៦ខ្នងដែលស្ថិតនៅភូមិទួលថ្មី ឃុំគរ ស្រុកត្បូងឃ្មុំ ខេត្តត្បូងឃ្មុំ ។
បើតាមសក្សីនៅកន្លែងកើតហេតុបានប្រាប់ថា អគ្គីភ័យនេះបានឆេះចេញពីផ្ទះមួយដែលមិនមានមនុស្សនៅ ហើយបានរាលដាលរហូតឆេះដល់០៦ខ្នងតែម្តង ហើយអគ្គីភ័យដែលឆេះនេះពុំមានអ្នកណាអាចដឹងថាឆេះបណ្តាលមកពីអ្វីនោះទេ ។
ខណៈពេលនោះដែលមានអណ្តាតភ្លើងឆេះយ៉ាងសន្ធោសន្ធៅនេះបង្ករឲ្យមានការភ្ញាក់ផ្អើលដល់អ្នកជិតខាងនោះផងដែរ បើតាមការបញ្ជាក់ពីអ្នករស់នៅក្បែរនោះបានឲ្យដឹងថាករណីអគ្គីភ័យនេះបានបំផ្លាញទ្រព្យសម្បត្តិបងប្អូនប្រជាពលរដ្ឋរួមមាន ផ្ទះ០៦ខ្នងរឺឯទ្រព្យសម្បត្តិដែលនៅលើផ្ទះនោះត្រូវភ្លើងបានឆាបឆេះខ្ទិចគ្មានសល់ ។
យើងពិតជាមានការសោកស្ដាយខ្លាំងមែនទែនចំពោះករណីនេះ ដូច្នេះសូមបងប្អូនប្រជាពលរដ្ឋ សូមមេត្តាមានការប្រុងប្រយ័ត្នចំពោះចរន្តអគ្គិសនីភ្លើងធូបទៀន និងចង្ក្រាន សូមមេត្តាបិតនិងពន្លត់ឲ្យបានត្រឹមត្រូវមុននិងចេញទៅណាមកណាជៀសវាងកើតមានគ្រោះអគ្គិភ័យដ៏អាក្រក់បែបនេះកើតឡើង៕
បើចង់ជ្រាបច្បាស់សូមទស្សនាវិដេអូ
ប្រភព៖ Bunpav Tbongkhmum
