(អន្តរជាតិ) យ៉ាងហោចណាស់ មនុស្ស១ពាន់នាក់បានស្លាប់ ដោយសារព្យុះស៊ីក្លួន អ៊ីដាយ (Idai) ហើយករណីព្យុះមួយនេះបានបោកបក់នៅជិតទីក្រុងកំពង់ផែ Beira កាលពីថ្ងៃព្រហស្បតិ៍សប្តាហ៍មុន ក្នុងល្បឿនខ្យល់បក់ ១៧៧គីឡូម៉ែត្រក្នុងមួយម៉ោង ប៉ុន្តែក្រុមជួយសង្គ្រោះទើបតែមកដល់នៅថ្ងៃអាទិត្យ។
ក្នុងនោះដែរលោកប្រធានាធិបតី Filipe Nyusiនៅប្រទេសម៉ូសាំប៊ិច(Mozambique)បានឱ្យដឹងថា ចំនួនអ្នកស្លាប់ដោយព្យុះស៊ីក្លូន ឈ្មោះ អ៊ីដាយ (Idai)បានកើនឡើងដល់ ១០០០នាក់ហើយ ដោយនៅកន្លែងខ្លះមានការវាយប្រហាយ៉ាងខ្លាំង និង ឃើញមានសាកសពខ្លះអណ្តែតរប៉ាត់រប៉ាយនៅតាមទន្លេនានា។
ទន្ទឹងនឹងនោះ បើតាមបុគ្គលិកជំនួយអង្គការសហប្រជាជាតិម្នាក់ បានប្រាប់ដល់សារព័ត៌មាន BBC ថា អាគារនៅតំបន់ Beira បានទទួលរងការខូចខាត និង មនុស្សជាង កន្លះលាននាក់បានជម្លៀសចេញពីតំបន់នោះ។
លោក Gerald Bourke មន្ត្រីមកពីកម្មវិធីស្បៀងអាហារពិភពលោកនៃអង្គការសហប្រជាជាតិបានមានប្រសាសន៍ថា គ្មានអាគារណាមួយមិនរងផលប៉ះពាល់ និង ខូចខាតនោះទេ បណ្តាញទំនាក់ទំនងនានាត្រូវបានកាត់ផ្តាច់ ហើយនៅតាមដងផ្លូវមានគរសុទ្ធតែសំរាម និង បង្គោលអគ្គិសនីដូលរំលំគ្មានសល់ ៕ប្រភព BBC ដោយ សុខជា
