(Singapore Reuters): រដ្ឋមន្ត្រីការពារជាតិរបស់រដ្ឋបាននិយាយកាលពីថ្ងៃសុក្រថាប្រទេសសិង្ហបុរីគ្រោងនឹងទិញយន្តហោះចម្បាំង F-35 ចំនួន 4 គ្រឿងបន្ថែមទៀតពីក្រុមហ៊ុន Lockheed Martin Corp ដើម្បីជំនួសយន្តហោះ F-16 ចាស់របស់ខ្លួន។
យោងតាមសម្តីលោក Ng Eng Hen បាននិយាយនៅក្នុងសភាថាក្រសួងការពារជាតិនឹងចេញលិខិតស្នើសុំ (LOR) ទៅកាន់សហរដ្ឋអាមេរិកសម្រាប់ការទិញដែលត្រូវបានអនុម័តដោយសភាសហរដ្ឋអាមេរិក។
ជាមួយនឹងថវិកាការពារជាតិដ៏ធំបំផុតរបស់អាស៊ីអាគ្នេយ៍ រដ្ឋទីក្រុងដែលមានទ្រព្យសម្បត្តិ គឺជារង្វាន់សំខាន់ សម្រាប់ក្រុមហ៊ុនអាវុធពិភពលោក ដោយសារវាមានបំណងវិនិយោគលើបច្ចេកវិទ្យាថ្មីនិងដំឡើងឧបករណ៍របស់ខ្លួន។
លោក Ng បានបន្ថែមថាវាគឺជាពេលវេលាសមស្របសម្រាប់ប្រទេសសិង្ហបុរីក្នុងការដាក់សំណើនេះពីព្រោះតម្លៃយន្តហោះ F-35 ដែលមានចាប់ពី 90 លានដុល្លារទៅ 115 លានដុល្លារបានធ្លាក់ចុះស្របពេលមានតម្រូវការខ្ពស់ពីសហរដ្ឋអាមេរិកនិងប្រទេស 10 ផ្សេងទៀតដែលរួមមាន អង់គ្លេស អ៊ីតាលី អូស្ត្រាលី ជប៉ុន និងកូរ៉េខាងត្បូង…។
នាយកប្រតិបត្តិក្រុមហ៊ុន Lockheed បានប្រាប់រ៉យទ័រកាលពីមួយឆ្នាំមុនថាកិច្ចចរចាជាមួយប្រទេសសឹង្ហបុរីផ្តោតលើយន្តហោះម៉ូដែល F-35B និងយន្តហោះចុះចតដ៏ខ្លីដែលមានលក្ខណៈហើយវាសមស្របបំផុតសម្រាប់បរិយាកាសលើដែនសមុទ្រ។
គួររំលឹកថា យន្ដហោះចម្បាំងប្រភេទ F-16 ចំនួន 60 គ្រឿងរបស់ប្រទេសសិង្ហបុរីដែលបានចូលបម្រើការជាលើកដំបូងក្នុងឆ្នាំ 1998 នឹងត្រូវចូលនិវត្តន៍បន្ទាប់ពីឆ្នាំ 2030ខាងមុខនេះ ៕ចាន់ រី
ប្រភព៖ ដើមរាំង-Dermrang
