លោកប្រធានាធិបតីរុស្ស៊ីលោក Vladimir Putin បានចេញសេចក្តីព្រមានមួយកាលពីថ្ងៃព្រហស្បតិ៍កន្លងមកនេះ អំពីការគំរាមកំហែងនៃសង្គ្រាមនុយក្លេអ៊ែរ ដែលអាចនឹងកើតមាន និង បានបន្ទោសយ៉ាងធ្ងន់ធ្ងរទៅដល់សហរដ្ឋអាមេរិក ដែលមិនមានភាពទទួលខុសត្រូវ និង ដកខ្លួនចេញពីសន្ធិសញ្ញាគ្រប់គ្រងអាវុធ។
លោកបានថ្លែងនៅក្នុងសន្និសីទសារព័ត៌មានប្រចាំឆ្នាំមួយថា បញ្ហានេះអាចនាំទៅរកការបំផ្លិចបំផ្លាញនៃអរិយធ៌មរបស់មនុស្សនិងភពផែនដីទាំងមូល។ លោកបានចង្អុលបង្ហាញពីចេតនារបស់ទីក្រុងវ៉ាស៊ីនតោនថា មានបំណងចាកចេញពីសន្ធិសញ្ញា Intermediate-Range Nuclear Forces ដែលមានតាំងពីឆ្នាំ ១៩៨៧ និង ការស្ទាក់ស្ទើររបស់ខ្លួនក្នុងការចរចាឡើងវិញនូវកិច្ចព្រមព្រៀងថ្មីមួយឈ្មោះ ថា 2010 New START ដែលនឹងផុតកំណត់នៅឆ្នាំ២០២១ ប្រសិនបើប្រទេសទាំងពីរមិនព្រមពិភាក្សាឡើងវិញទេនោះ។
ក្រុមមន្ត្រីទាំងនៅក្នុងប្រទេសរុស្ស៊ី និង សហរដ្ឋអាមេរិកមិនទាន់បានផ្តល់នូវសញ្ញាអ្វីច្បាស់លាស់នៅឡើយពីសន្និសញ្ញាថ្មីនេះ ដែលពីមុនមកត្រូវបានចុះហត្ថលេខាធ្វើឡើងរវាងលោកប្រធានាធិបតីបារ៉ាក់អូបាម៉ា និង ប្រធានាធិបតីរុស្ស៊ីលោក Dmitry Medvedev នៅអំឡុងពេលមានទំនាក់ទំនងមិនសូវល្អរវាងប្រទេសទាំងពីរកាលពីពេលមុន៕ប្រភពប្រជាប្រិយ
