បច្ចុប្បន្ននេះ យើងដឹងថា ជំងឺក្រពះមានជាទូទៅហើយ ក្នុងប្រទេសកម្ពុជា គឺមានជំងឺក្រពះសឹងតែ៩០ភាគរយ ដោយកត្តាអារហារប្រចាំថ្ងៃរបស់យើង ដែលវាបណ្តាលឲ្យកើតជំងឺក្រពះ ។ បើសិនទុក្ខរយះពេលយូមិនព្យាបាលវាអាចកើតទៅជាជំងឺមហារីកក្រពះ ដូច្នេះ ករណីណាខ្លះដែលចាំបាច់ត្រូវប្រយ័ត្ន និងគួរពិនិត្យតាមដានឲ្យបានឆាប់ ។ សូមអានខាងក្រោម៖
1-អ្នកឆ្លងបាក់តេរី HP
បាក់តេរី HP រស់នៅក្នុងក្រពះបាន ដោយសារវាទាមទារអុកស៊ីហ្សែននៅកម្រិតយ៉ាងទាប ។ នៅមនុស្សមួយចំនួន ប្រសិនបាក់តេរីនេះនៅក្នុងក្រពះយូរច្រើនឆ្នាំ អាចបង្កជាមហារីកក្រពះ ។ ប្រមាណ ៦៥ ទៅ ៨០% នៃករណីមហារីកក្រពះ មានពាក់ព័ន្ធដល់បាក់តេរីនេះ ។
បាក់តេរី HP នៅមានក្នុងកំណកអាហារជុំវិញឆ្មេញ , ទឹកមាត់, អាចឆ្លងពីមនុស្សម្នាក់ទៅមនុស្សម្នាក់ ដោយសារការបរិភោគអាហាររួមគ្នា ។
2-អ្នកញៀនបារី
ជក់បារីធ្វើឲ្យកើនហានិភ័យមហារីកក្រពះដល់ ៤០% និងថែមទាំងអាចដល់ ៨២% នៅអ្នកញៀនបារីធ្ងន់ ប្រៀបនឹងអ្នកមិនជក់ ។ ការស្រាវជ្រាវមួយចំនួនក៏បង្ហាញអត្រាខ្ពស់នៃជំងឺមហារីកក្រពះចំពោះអ្នកញៀនស្រា ។
3-បរិភោគប្រៃ, បរិភោគច្រើនអាហារកែច្នៃស្រាប់
របបទទួលទាន ក៏ត្រូវបានចាត់ទុកជាកក្តាហានិភ័យរបស់ជំងឺមហារីកក្រពះ ដូចជាបរិភោគប្រៃពេក, បរិភោគច្រើន អាហាររោលផ្សែង, ពពួកសាច់ក្រហម, សាច់កែច្នៃ… ។
4-គ្រួសារមានអ្នកកើតមហារីកក្រពះ
ប្រមាណ ១០% នៃករណីមហារីកក្រពះ មានលក្ខណៈតំណពូជ ឬ ពាក់ព័ន្ធដល់ហ្សែន ។ ជាក់ស្តែង ប្រសិនក្នុងគ្រួសារមានឪពុកម្តាយ ឬបងប្អូនប្រុសស្រីបង្កើត កើតមហារីកក្រពះ នោះហានិភ័យនោះនឹងខ្ពស់ជាង ។
5-មនុស្សធាត់
ធាត់ក៏ជាកត្តាហានិភ័យមួយរបស់មហារីកក្រពះ ដោយសារបាតុភូតច្រាលអាស៊ីតក្រពះ -បំពង់អាហារឧស្សាហ៍កើតឡើងនៅមនុស្សធាត់ ។ ច្រាលអាស៊ីតក្រពះ – បំពង់អាហារបង្កជាស្ថានភាពរលាករ៉ាំរ៉ៃមួយ និងអាចធ្វើឲ្យមហារីកក្រពះលេចឡើង ។ តាមស្ថិតិ បង្កាញថា អ្នកធាត់មានអត្រាមហារីកក្រពះខ្ពស់ជាង ២ ដង មនុស្សធម្មតា ៕ ប្រភពCEN
