ក្នុងនាជាភរិយាម្នាក់ គឺមិនចង់ឲ្យស្វាមីខ្លួនគឺមានស្រីខាងក្រៅនោះទេ តែដោយមានចំណុចខ្វះខាតមួយចំនួន របស់ភរិយា ទើបធ្វើឲ្យស្វាមីខ្លួនគិតចង់រកស្រីខាងក្រៅបែបនេះ ។
នៅខាងក្រោមនេះជាចំណុចមួយដែលល្អសម្រាប់នារីជាភរិយាត្រូវស្វែងយល់អំពីបញ្ហាទាំងនេះ ។
ភរិយាម្នាក់ អ្នកគួរតែចេះយល់ចិត្តស្វាមីអ្នកពេលដែលគេត្រឡប់មកផ្ទះវិញ។ ក្នុងកន្លែងការងារ ប្តីអ្នកអាចរងសម្ពាធច្រើន ដោយមិនប្រាប់អ្នកឡើយ ក្រោយត្រឡប់មកវិញ ព្រោះខ្លាចអ្នកបារម្ភ។ ដូចនេះ មិនថាអ្នកមិនសប្បាយចិត្តបែបណាទេ អ្នកគួរតែផ្តល់ស្នាមញញឹមមួយដល់គេ ក្រោយពេលដែលគេមកដល់ក្នុងផ្ទះ។
អ្នកគួរតែផ្តល់អារម្មណ៍សុវត្ថិភាពដល់ស្វាមី ដូចជាផ្តល់ដល់អ្នកដូចគ្នា ដោយអ្នកអាចបញ្ចេញជាសកម្មភាពថា ចិត្តអ្នកមានតែលើគ្រួសារមួយនេះទេ ហើយអ្នកហ៊ានរួមសុខរួមទុក្ខជាមួយគេ។ ការធ្វើបែបនេះ ទើបអាចចាប់ចិត្តប្តីអ្នកបានជាប់។
នៅពេលដែលឃើញស្វាមីមិននិយាយអ្វីសោះ ហើយអង្គុយតែម្នាក់ឯង កំពុងតែស្មុគស្មាញនឹងរឿងអ្វីមួយ អ្នកគួរតែលើកទឹកឲ្យគេញ៉ាំ ដើម្បីឲ្យគេមានចិត្តត្រជាក់ ហើយអាចគិតចេញដំណោះស្រាយ។ ដូចនេះ អ្នកគួរតែចេះយល់ចិត្តស្វាមីក្នុងដំណាក់កាល៣នេះ ទើបអាចចាប់ចិត្តគេបានជាប់ មិនហោះចេញក្រៅ៕ ប្រភព Health កែសំរួលដោយ តារារ៉ាយ
