សម្រស់របស់តារាសម្តែង និងជាតារាបង្ហាញម៉ូដឈ្មោះ Marianne Clais ជាកូនកាត់ខ្មែរ-បារាំង ត្រូវបានមហាជនចាប់អារម្មណ៍យ៉ាងខ្លាំងនៅលើបណ្តាញសង្គម បន្ទាប់ពីហ្វេសប៊ុកផេក ហង្សសម្អាងការ បានបង្ហោះរូបភាពរបស់នាងក្នុងឈុតសម្អាងការបុរាណ។
អ្វីដែលគួរឲ្យចាប់អារម្មណ៍នោះ គឺមានទស្សនៈមហាជនភាគច្រើនចង់ឲ្យតារាស្រីម្នាក់នេះមានឱកាសបង្ហាញសមត្ថភាពនៅលើឆាកអន្តរជាតិ ដោយមានការលើកឡើងថា ចង់ឲ្យគាត់ទៅប្រកួតបវវរកញ្ញា តំណាងខ្មែរក្នុងការប្រកួតលក្ខណៈអន្តរជាតិណាមួយ។
គួរបញ្ជាក់ផងដែរថា កញ្ញា Marianne Clais ហៅខ្មែរថា សោម៉ា ដែលមានវ័យ១៩ឆ្នាំ ជាកូនកាត់ខ្មែរ-បារាំង ដែលមហាជនស្គាល់នៅក្នុង MV បទចម្រៀងចំណងជើង “អូនសាសន៍អី” របស់លោក វុទ្ធា៕ ប្រភពខ្មែរណត
