Jessi បានចែករំលែកនូវគំនិតរបស់នាងដោយមិនមានភាពលាក់បាំងអំពីការបង្ហាញរាងកាយរបស់នាង។ នៅថ្ងៃទី ១២ ខែកក្កដាកន្លងមកនេះ ការចាក់ផ្សាយកម្មវិធី «Cultwo Show» របស់ប៉ុស្តិ៍ SBS Power FM បានអញ្ជើញ Jessi អោយចូលរួមជាភ្ញៀវកិត្តិយសនិងបានច្រៀងបទចម្រៀងថ្មីរបស់នាងដែលមានចំណងជើងថា«Down» ផងដែរ។
DJ Kim Tae Gyun បាននិយាយថា «ខ្ញុំបានលឺថាវីដេអូចម្រៀងថ្មីរបស់នាងពិតជាជាក់សាច់មែនទែន» Jessi បានឆ្លើយតបថា «វាដោយសារតែខ្ញុំស្លៀកឈុតខោអាវហែលទឹកនៅក្នុងវីដេអូចម្រៀងតែប៉ុណ្ណោះ ហើយវាក៏មានបម្រាបសម្រាប់តែអាយុចាប់ពី ១៥ឆ្នាំឡើងទៅផងដែរ»។
នាងក៏បានបន្តទៀតថា «ការថតវីដេអូដោយពាក់ឈុតហែលទឹកបែបនេះ ប្រហែលជាវាអាចខុសឆ្ងាយពីស្ដង់ដារកូរ៉េ ប៉ុន្តែខ្ញុំមានទំនុកចិត្ត»។ Jessi បានបន្ថែមថា «ខ្ញុំបានធ្វើការថតដើម្បីបង្ហាញពីរាងកាយរបស់ខ្ញុំ» ហើយបាននិយាយថា «ភាពស៊ិចស៊ីគឺជាភាពទាក់ទាញរបស់ខ្ញុំ ខ្ញុំមិនគិតថាខ្ញុំស្រស់ស្អាតនោះទេ ប៉ុន្តែខ្ញុំគិតថាខ្ញុំមានភាពទាក់ទាញណាស់ ដូច្នេះខ្ញុំមានទំនុកចិត្តអំពីការបង្ហាញវា»៕
ប្រែសម្រួល ៖ RathDy
