តារាថៃ៖ តារាសម្ដែងស្រីថៃដ៏មានប្រជាប្រិយភាពគឺនាង Min Pechaya បានធ្វើពិធីខួបកំណើតគម្រប់អាយុ ៣០ ឆ្នាំរបស់ខ្លួនកាលពីថ្ងៃទី ២៨ ខែមេសា ឆ្នាំ ២០១៩ ម្សិលមិញនេះ ដែលកម្មវិធីទាំងមូលបានរៀបចំឡើងយ៉ាងអធិកអធម ព្រមទាំងបានអញ្ជើញភ្ញៀវកិត្តិយសចូលរួមយ៉ាងច្រើនកុះករ ដែលមើលទៅកម្មវិធីទាំងមូលបានរៀបចំឡើងធំដុំមិនចាញ់ពិធីមង្គលការប៉ុន្មានទេ ។
ងាកចេញទៅមើលការតុបតែងខ្លួនរបស់តារាថៃ Min Pechaya និង ភ្ញៀវកិត្តិយសទាំងប្រុស ទាំងស្រីដែលបានមកចូលរួមពិធីយប់មិញវិញ ម្នាក់ៗបានរំលេចខ្លួនយ៉ាងស្រស់សោភាប្រជែងសម្រស់គ្នាពេញទាំងកម្មវិធីតែម្ដង ដែលភាគច្រើនសុទ្ធតែជាអ្នកសិល្បៈល្បីៗ ពិសេសលើសពីនេះ ទាំងម្ចាស់កម្មវិធី និង ភ្ញៀវកិត្តិយស ពួកគេម្នាក់ៗសុទ្ធតែស្លៀកឈុតពណ៌សស្ទើរតែទាំងអស់ ។
ក្រៅពីមិត្តភក្ដិជិតស្និទ្ធទាំងក្នុង និង ក្រៅរង្វង់សិល្បៈរបស់តារាស្រី Min Pechaya បានចូលរួមអបអរពិធីខួបកំណើតគម្រប់អាយុ ៣០ ឆ្នាំរបស់នាងហើយ ក្នុងនោះគេក៏ឃើញវត្តមានគូស្នេហ៍សំណព្វចិត្តរបស់នាង ក៏បានចូលរួមបង្ហាញភាពស្និទ្ធស្នាល និង ជូនពរមិត្តស្រីជាទីស្រឡាញ់នៅចំពោះមុខមិត្តភក្ដិទាំងអស់ផងដែរ ពិតជារ៉ូមែនទិកខ្លាំងណាស់ ៕ប្រភពប្រជាប្រិយ
សូមទស្សនារូបភាពខាងក្រោម៖
