ភ្នំពេញ៖ យោងតាមការចេញផ្សាយរបស់ក្រសួងធនធានទឹក និងឧតុនិយមថា ចាប់ពីថ្ងៃទី៣១ ខែឧសភា ដល់ថ្ងៃទី១ ខែមិថុនា ភ្លៀងនៅតែបន្តធ្លាក់ក្នុងកម្រិតពីខ្សោយទៅមធ្យម នៅរាជធានី និងបណ្តាខេត្តភាគខាងក្រោម ពិសេសខេត្តជាប់ព្រំប្រទល់ប្រទេសវៀតណាម។
ការជូនដំណឹងខាងលើនេះ បន្ទាប់ពីក្រសួងបានតាមដានឃើញថាប្រព័ន្ធសម្ពាធទាបដែលបានកកើតកន្លងមក នៅតែបន្តស្ថិតនៅលើតំបន់អាងទន្លេមេគង្គចំណុចព្រំប្រទល់ប្រទេសថៃ និងឡាវ។ ដោយឡែកកម្ពុជា ក៏បានទទួលចំណែកពីប្រព័ន្ធសម្ពាធទាបនេះផងដែរ គួបផ្សំនឹងខ្យល់មូសុងនីរតីខ្សោយ៕
