ភ្នំពេញ៖ នៅព្រឹកថ្ងៃទី១៦ ខែមិនា រដ្ឋបាលខណ្ឌចំការមន និងមន្ទីរសាធារណការ និងដឹកជញ្ជូនរាជធានីភ្នំពេញ បានសហការចុះរៀបចំកាយ និងប្រមូលសំរាមចេញពីប្រឡាយបឹងត្របែក។
សូមបញ្ជាក់ថា ក្នុង១ឆ្នាំ ជាមធ្យម សំរាមប្រមាណ ៨.៥០០តោន ត្រូវបានកាយចេញពីប្រឡាយបឹងត្របែក យកទៅចាក់ចោលនៅទីលានចាក់សំរាម។
សូមបងប្អូនប្រជាពលរដ្ឋ ជាពិសេសអ្នកដែលរស់នៅ និងធ្វើដំណើរឆ្លងកាត់ប្រឡាយបឹងត្របែកនេះ ទុកដាក់សំរាមឱ្យបានត្រឹមត្រូវ ជៀសវាងការចោលសំរាមចូលទៅក្នុងប្រឡាយ នាំឱ្យប៉ះពាល់ដល់សុខភាពអ្នករស់នៅជុំវិញនោះ ក៏ដូចជាអនាម័យបរិស្ថាន និងសោភណភាពរបស់រាជធានីភ្នំពេញរបស់យើងទាំងអស់គ្នា៕
