ល្បឿនផ្តាច់ព្រលឹង.! ម៉ូតូ២គ្រឿងបុកគ្នាលាន់ដូចរន្ទះ ស្លាប់ម្នាក់ នឹងរបួសធ្ងន់ ស្រាល២នាក់ នៅក្រុងបាវិត

ខេត្តស្វាយរៀង៖ ល្បឿនផ្តាច់ព្រលឹង.! ម៉ូតូ២គ្រឿងបុកគ្នាលាន់ដូចរន្ទះ ស្លាប់ម្នាក់ នឹងរបួសធ្ងន់ ស្រាល២នាក់ នៅក្រុងបាវិត ហេតុការណ៍នេះ បានកើតឡើងកាលថ្ងៃអង្គារ ទី៥ ខែមីនា ឆ្នាំ២០១៩ ស្ថិតលើផ្លូវជាតិលេខ១ ក្នុងភូមិថ្មី សង្កាត់ច្រកម្ទេស ក្រុងបាវិត ខេត្តស្វាយរៀង ។

យុវជនដែលស្លាប់ មានឈ្មោះ វ៉ា សុភា អាយុ១៦ឆ្នាំ មុខរបរបុគ្គលិកហាងចិន និងអ្នករួមដំណើរត្រូវជាម្ដាយដែលរងរបួសមានឈ្មោះ គឹម សុភាព អាយុ៤០ឆ្នាំ មុខរបរកម្មការិនីរោងចក្រ មានទីលំនៅភូមិដូនលែប ឃុំស្វាយជ្រំ ស្រុកស្វាយជ្រំ ខណៈជិះម៉ូតូម៉ាកហុងដាសេ ១២៥ ពណ៌ខ្មៅ មិនមានស្លាកលេខ ខូចខាតយ៉ាងដំណំ ។

មុនកើតហេតុ មានយុវជនម្នាក់ បានជិះម៉ូតូមួយ គ្រឿង ម៉ាកហុងដាសេ ១២៥ ពណ៌ខ្មៅ ពាក់ស្លាកលេខ ១E ២៧៨២ លើកំណាត់ផ្លូវជាតិលេខ១ ក្នុងទិសដៅពីលិចមកកើតមិនប្រកាន់ស្ដាំ ស្រាប់តែទៅបុក នឹងម៉ូតូមួយគ្រឿង ជិះគ្នា២នាក់ ម្ដាយ និងកូនទិសដៅបញ្ច្រាសគ្នា យ៉ាងពេញទំហឹងលាន់ដូចរន្ទះ បណ្ដាលឲ្យយុវជនម្នាក់ស្លាប់ និងកន្លែងបង្កការភ្ញាក់ផ្អើលតែម្ដង ។

ចំណែកអ្នកបើកម៉ូតូបង្កហេតុដែលរងរបួសធ្ងន់មានឈ្មោះ គល់ បញ្ញា អាយុ១៨ឆ្នាំ មុខរបរកសិករ រស់នៅភូមិព្រៃទប់ សង្កាត់ច្រកម្ទេស ក្រុងបាវិត ជិះម៉ូតូម៉ាកហុងដាសេ ១២៥ ពណ៌ខ្មៅ ពាក់ស្លាកលេខ ១E ២៧៨២ ។

ចំណែកអ្នកជិះម៉ូតូបង្កហេតុ ដែលរងរបួសធ្ងន់ ត្រូវបានក្រុមគ្រួសារបញ្ជូនបន្តទៅប្រទេសវៀតណាមភ្លាមៗ ខណៈម៉ូតូទាំង២គ្រឿងត្រូវបានសមត្ថកិច្ចវាស់វែង និងអូសមករក្សាទុកនៅអធិការដ្ឋាននគរបាលក្រុងបាវិត ដើម្បីដោះស្រាយពេលក្រោយ ៕

ប្រភព៖ FB