ទីក្រុងម៉ូស្គូបានឱ្យដឹងថា ប្រទេសរុស្ស៊ីបានចាប់ផ្តើមធ្វើតេស្តសាកល្បងអាវុធនុយក្លេអ៊ែរនៅក្រោមទឹកហើយ ដោយបំពាក់ជាមួយដ្រូននៅក្រោមទឹកមានសមត្ថភាពខ្លាំងមិនអាចកម្ទេចបាន នេះបើយោងតាមប្រធានាធិបតីរុស្សី លោក ពូទីន ។
កាំជ្រួចPoseidonដែលត្រូវបានគេស្គាល់ថា ជាប្រព័ន្ធ Multipurpose Ocean-6 គឺជាអាវុធនុយក្លេអ៊ែរដ៏ទំនើបបំផុតបង្កើតឡើងដោយប្រទេសរុស្ស៊ី នេះបើយោងតាមទីភ្នាក់ងារព័ត៌មានរដ្ឋTass Russian News Agency របស់រុស្ស៊ី ។
លោកពូទីនបានបង្ហាញពីវត្តមានរបស់ដ្រូនរួចមកហើយ កាលពីខែមិនាកន្លងទៅ នៅក្នុងសេចក្តីថ្លែងការជាតិមួយកាលពីដើមឆ្នាំ ២០១៨ ជាមួយនឹងអាវុធកាំជ្រួចទំនើបអាចគេចផុតពីប្រព័ន្ធបាញ់ការពារកាំជ្រួចទំនើបដែលមាននាពេលបច្ចុប្បន្នទៅទៀត ដែលដ្រូននេះមានសមត្ថភាពអាចបំពាក់ក្បាលអាវុធនុយក្លេអ៊ែរធំៗបាន៕ប្រភពប្រជាប្រិយ
