ក្រុមហ៊ុនជីករ៉ែរបស់ប្រទេសកាណាដាមួយបានប្រកាសពីការរកឃើញពេជ្រដ៏ធំបំផុត និង បានបំបែកឯកតទគ្គកម្មជាពេជ្រធំជាងគេបំផុតក្នុងលោក។ ពេជ្រនេះមានពណ៌លឿង និង មានទំហំ ៥៥២ការ៉ាត់។
ត្បូងពេជ្រនេះត្រូវបានរកឃើញកាលពីខែតុលានៅអណ្តូងរ៉ែ Diavik Diamond Mine នៅភាគពាយ័ព្យនៃប្រទេសកាណាដា ដែលមានចម្ងាយប្រមាណជា២១៥គីឡូម៉ែត្រ នៅភាគខាងត្បូងតំបន់ Arctic Circle។ ក្រុមហ៊ុនបានអះអាងថា ជាការរកឃើញដ៏ធំបំផុតមិនធ្លាប់មានចាប់តាំងពីឆ្នាំ ២០១៥មក ។
គួរបញ្ជាក់ផងដែរថា កាលពីមុន គេបានរកឃើញពេជ្រមួយ ដែលត្រូវបានដាក់ឈ្មោះថា The Foxfire មានអាយុកាលប្រហែល ២លានឆ្នាំ និង មានទំហំ ១៨៧,៧ ការ៉ាត់ ត្រូវបានរកឃើញនៅអណ្តូងរ៉ែ Diavikនេះផងដែរ និង បានដាក់តាំងបង្ហាញនៅជុំវិញ ពិភពលោក នៅសារៈមន្ទីរជាតិក្នុងទីក្រុង វ៉ាស៊ីនតោន និង រាជវាំង Kensington Palace ក្នុងទីក្រុងឡុងដុង ប្រទេសអង់គ្លេសផងដែរ៕ប្រភពប្រជាប្រិយ ដោយ តារារ៉ាយ
