(វៀងច័ន្ទ) មនុស្សមួយចំនួនបានបាត់បង់ជីវិត ហើយខ្ទង់រយនាក់ត្រូវគេរាយការណ៍ថា បានបាត់ខ្លួន ក្រោយពីទំនប់វារីអគ្គិសនីមួយកន្លែង បានដួលរលំ នៅខេត្ត Attapeu (អាត់តាពើ) ភាគអាគ្នេយ៍ប្រទេសឡាវ និងជាប់ព្រំដែនខេត្តស្ទឹងត្រែងព្រមទាំងខេត្តរតនៈគិរី ភាគឦសាននៃប្រទេសកម្ពុជា តាមការបញ្ជាក់ពីអាជ្ញាធរនៅប្រទេសឡាវបានឲ្យដឹងនាថ្ងៃអង្គារ ខែនេះ ។
ទំនប់ខាងលើត្រូវបានគេរាយការណ៍ថា បានបញ្ចេញទឹកយ៉ាងជន់ជោរ ទំហំប្រមាណ ០៥ពាន់លានម៉ែត្រគូប នៅក្នុងសង្កាត់សានសៃ (San Sai) នៃខេត្តខាងលើ ខណៈអាជ្ញាធរបានចេញប្រតិបត្តិការជាបន្ទាន់ ដើម្បីជម្លៀសមនុស្សចេញ។
គួរជម្រាបថា ទំនប់វារីអគ្គិសនីខាងលើ ត្រូវបានសាងសង់ឡើងដោយគម្រោងរួមគ្នាមួយ ដឹកនាំដោយបណ្តាញក្រុមហ៊ុនកូរ៉េខាងត្បូង សហការជាមួយថៃ និងឡាវ។ ទំនប់នេះ ត្រូវបានគេគ្រោងនឹងបើកសម្ពោធឲ្យប្រើប្រាស់ជាផ្លូវការនៅឆ្នាំនេះ ប៉ុន្តែវាមិនទាន់ច្បាស់នៅឡើយទេថា តើវាបានចាប់ផ្តើមប្រតិបត្តិការហើយ ឬនៅនោះឡើយ មុនហេតុការណ៍ទំនប់នេះកើតឡើង៕
