រឿងដ៏ល្បីឈ្មោះរបស់ប្រទេសកូរ៉េខាងត្បូងដែលមានឈ្មះថា Descendants of the Sun ត្រូវបានផលិតករវៀតណាមយកទៅថតសារឡើងវិញក្នុងលក្ខណះជាភាពយន្តវៀតណាមដែលទើបនឹងដាក់បង្ហាញផ្ទាំងរូបភាពជាផ្លូវការ។ នៅថ្ងៃទី ១២ខែកក្កដាប្រព័ន្ធផ្សាព្វផ្សាយ Sina របស់ចិនបានចេញផ្សាយផ្ទាំងរូបភាពផ្លូវការរបស់វៀតណាមពីការផលិតឡើងវិញនៃរឿងភាគកូរ៉េដ៏ពេញនិយម។
កាលពីឆ្នាំ ២០១៦ រឿងភាគដ៏ពេញនិយមរបស់កូរ៉េ “Descendants of the Sun” ដែលសម្ដែងដោយ Song Joong Ki, Song Hye Kyo, Jin Goo និង Kim Ji Won បានផ្ទុះឡើងនៅតំបន់អាស៊ីនិងទទួលបានប្រជាប្រិយភាពយ៉ាងច្រើន។ ខ្សែភាពយន្តនេះមានប្រជាប្រិយភាពខ្លាំងនៅក្នុងប្រទេសចិនដែលបានបង្កើតកំណត់ត្រាថ្មីៗជាច្រើននៅក្នុងប្រវត្តិសាស្រ្តភាពយន្តរបស់កូរ៉េដែលទទួលបានកម្រៃជាច្រើនពីអាជ្ញាប័ណ្ណរក្សាសិទ្ធិ និងពីការផ្សព្វផ្សាយផ្សេងទៀត។
អ្នកគាំទ្រនិងអ្នកលេងអ៊ិនធើណែតរបស់ចិនបានសម្ដែងនូវក្ដីរំភើបយ៉ាងច្រើនចំពោះខ្សែភាពយន្តបែបវៀតណាមនេះដោយនិយាយថាមិនអាចរង់ចាំបានទេដោយតួអង្គវៀតណាមសុតតែស្អាតៗនិងស្រស់សង្ហា ហើយពួកគេសង្ឃឹមថារឿងនេះនិងល្អដូចរឿងដើមរបស់កូរ៉េផងដែរ៕
ប្រែសម្រួល ៖ RathDy
