ទើបតែរយះពេល ៤ខែប៉ុណ្ណោះបន្ទាប់ពីអ្នកទាំងពីរបានទម្លាយរឿងទំនាក់ទំនងស្នេហាជាមួយគ្នាអោយសាធារណះជនបានដឹង ប៉ុន្តែឥឡូវស្រាប់តែកញ្ញា Suzy និង Lee Dong Wook បែរជាបញ្ចប់ទំនាក់ទំនងស្នេហារបស់ពួកគេទៅវិញ។
សេចក្ដីរាយការណ៍មួយពីសារព័ត៍មាន Osen បានអោយដឹងថា ថ្មីៗនេះអ្នកទាំងពីរបានបញ្ចប់ទំនាក់ទំនងស្នេហារបស់ពួកគេហើយ។ ពួកគេបានប្រកាសពីទំនាក់ទំនងស្នេហានេះក្នុងខែមីនា ដោយពួកគេស្ថិតនៅក្នុងដំណាក់កាលស្វែងយល់ចិត្តគ្នា។
ទាំងលោក Lee Dong Wook និង Suzy ពិតជាមមាញឹកនឹងការថតរឿង និងកាងារជាច្រើនមុខទៀត ដោយហេតុផលនេះជាហេតុនាំអោយពួកគេបែកគ្នា ប៉ុន្តែពួកគេនឹងនៅតែធ្វើជាមិត្តនឹងគ្នា។
ប្រភពពីអ្នកសិល្បះ «ថ្មីៗនេះ អ្នកទាំងពីរបានបែកគ្នាហើយ ប៉ុន្តែពួកគេនឹងនៅតែរក្សាទំនាក់ទំនងជាមួយគ្នាក្នុងនាមជាសិស្សប្អូន និងសិស្សច្បងក្នុងសិល្បះ និងគាំទ្រគ្នាទៅវិញទៅមកដដែល» ។
ទាំងផលិតកម្ម JYP Entertainment និង King Kong by Starship ក៏បានបញ្ចាក់ប្រាប់ថាអ្នកទាំងពីរពិតជាបែកគ្នាមែន។ បច្ចុប្បន្នលោក Lee Dong Wook កំពុងថតរឿង Life របស់ស្ថានីយទូរទស្សន៍ JTBC ជាមួយនឹង Jo Seung Woo ខណះ Suzy កំពុងត្រៀមខ្លួនដើម្បីថតរឿងថ្មីដ៏ល្បីដែលមានចំណងជើងថា Vagabond របស់ទូរទស្សន៍ SBS ជាមួយនឹង Lee Seung Gi ផងដែរ៕
ប្រែសម្រួល ៖ RathDy
