ក្មេងស្រីអាយុ ១០ ឆ្នាំដែលធ្វើអោយអ្នកលេងអិុនធឺណែតភ្ញាក់ផ្អើលជាមួយនឹងភាពស្រស់ស្អាតរបស់នាងហើយមិនត្រឹមតែប៉ុណ្ណោះថែមទាំងបានក្លាយជាសមាជិកនិងកំពុងហ្វឹកហាត់នៅផលិតកម្ម YG Entertainment។ Ella Gross ត្រូវបានគេរាយការណ៍ថាបានចុះហត្ថលេខាជាមួយ The Black Label ជាក្រុមហ៊ុនបុត្រសម្ព័ន្ធរបស់ YG Entertainment។
តារាម៉ូដែលវ័យក្មេងរូបនេះបានបង្ហោះរូបថតមួយជាមួយ Jennie សមាជិកក្រុម BLACKPINK ដោយបានដាក់ស្លាកសញ្ញាផលិតកម្មរបស់ BLACKPINK និងគណនីផ្លូវការ SNS របស់ BLACK LABEL។
ហើយនាងក៏បានបង្ហោះរូបថតរបស់នាងនៅកូរ៉េខាងត្បូងជាមួយនឹង Mia Cho ដែលជាអ្នកគ្រប់គ្រងខាងទេពកោសល្យរបស់នាង។
បន្ទាប់ពីបានឃើញការបង្ហោះទាំងនេះអ្នកលេងអិុនធឺណែតបានសន្មត់ថាក្មេងស្រីដ៏គួរអោយស្រលាញ់រូបនេះបានចុះហត្ថលេខាលើកិច្ចសន្យាជាមួយក្រុមហ៊ុនបុត្រសម្ព័ន្ធរបស់ YG Entertainment។ Ella Gross មិនត្រឹមតែមានសម្រស់ស្រស់ស្អាតប៉ុណ្ណោះទេថែមទាំងមានទេពកោសល្យច្រើនទៀតផងដែរ។ នាងក៏អាចលេងហ្គីតា ច្រៀង និងរាំបានផងដែរ។
ប្រែសម្រួល ៖ RathDy
