ព្រឹត្តិការណ៍ប្រកួតបាល់ទាត់លំដាប់ពិភពលោក FIFA World Cup ត្រូវបានគេស្គាល់ថាជាការប្រកួតបាល់ទាត់ដ៏អស្ចារ្យហើយបពលខ្លះវាបាននាំមកនូវការសប្បាយរីករាយនិងការចង់ចាំល្អៗ ព្រមទាំងអ្វីៗល្អបំផុតសម្រាប់មនុស្ស។ ហើយឆ្នាំនេះអ្វីដែលយើងចាប់អារម្មណ៍ខ្លាំងនោះគឺផ្ដោតទៅលើក្រុមជម្រើសជាតិជប៉ុននិងអ្នកគាំទ្ររបស់ពួកគេ ដែលបានស្ដែងអោយយើងបានឃើញពីការគោរពគ្នាទៅវិញទៅមកនិងកីឡាករដែលមានឥរិយាបទល្អទាំងក្នុងនិងក្រៅទីលាន។
កាលពីប្រកួតនៅក្នុងវគ្គសន្សំពិន្ទុតាមពូលនៃការប្រកួត World Cup អ្នកគាំទ្ររបស់ជប៉ុនបានធ្វើរឿងដ៏គួរអោយកោតសរសើរមួយដែលធ្វើអោយសារពត៍មានចុះផ្សាយគ្រប់ទីកន្លែងនៅពេលដែលពួកគេបានសម្អាតកន្លែងអង្គុយរបស់ពួកគេនិងកន្លែងក្បែរនោះនៅក្នុងពហុកីឡាដ្ឋានបន្ទាប់ពីឈ្នះកូឡំប៊ី។
ហើយកាលពីម្សិលមិញនេះ (ថ្ងៃទី ២ កក្កដា) ជប៉ុនបានប្រកួតចាញ់ប៊ែលហ្សីក ទោះបីជាជប៉ុនបាននាំមុខមុនដល់ទៅ ២ គ្រាប់ក៏ដោយ។ ហើយជាលទ្ធផលប៊ែលហ្សីកបានយកឈ្នះការប្រកួត ៣-២ ដែលធ្វើអោយបេះដូងអ្នកគាំទ្ររបស់ជប៉ុននៅគ្រប់ទីកន្លែងខកចិត្តមិនស្ទើរ។
Japan’s supporters are crying over their team’s 3-2 World Cup loss to Belgium. The Red Devils came from 0-2 down to level the score and hit the winner in the 94th minute pic.twitter.com/PgMtCpF6M0
— Xinhua Sports (@XHSports) July 2, 2018
បើទោះបីជាពួកគេខូចចិត្តយ៉ាងណាក៏ដោយ ក៏អ្នកគាំទ្រទាំងអស់គ្នានោះនូវតែមិនភ្លេចសម្អាតកន្លែងអង្គុយរបស់ពួកគេមុននិងចាកចេញពីពហុកីឡាដ្ឋាន ហើយសូម្បីតែកីឡាកររបស់ជប៉ុនក៏បានសម្អាតបន្ទប់ផ្លាស់សម្លៀកបំពាក់របស់ពួកគេមុននិងចាកចេញក្រោយចប់ការប្រកួត។ លើសពីនេះទៅទៀតពួកគេទាំងអស់ថែមទាំងបានទុកក្រដាសមួយសន្លឹកដោយបានសរសេរអក្សរជាភាសារុស្ស៊ីថា «សូមអរគុណ» ។
ទង្វើរបស់អ្នកគាំទ្រនិងកីឡាករជប៉ុនទាំងនេះជាគំរូដ៏ល្អសំរាប់កីឡាករដ៏ទៃគួរយកគំរូតាម មិនថាពួកគេឈ្នះឫចាញ់ក៏ដោយវាបានស្ដែងអោយឃើញពីឥរិយាបទល្អរបស់ពួកគេ។
ប្រែសម្រួល ៖ RathDy
