កូនកំលោះលោក Ryu Phillip អាយុ ២៨ឆ្នាំមិនអាចទប់ទឹកភ្នែកជាប់ក្នុងអំឡុងពេលបទសម្ភាសន៍មុនពេលប្រារព្វអាពាហ៍ពិពាហ៍។ នៅក្នុងការចាក់ផ្សាយកម្មវិធីទូរទស្សន៍ One Night of TV Entertainment របស់ប៉ុស្តិ៍ទូរទស្សន៍ SBS នៅថ្ងៃទី ១០ ខែកក្កដានេះបានចាក់ផ្សាយទាំងស្រុងអំពីពិធីរៀបអាពាហ៍ពិពាហ៍របស់ Ryu Phillip និង Mina ដែលនាងមានអាយុ ៤៥ឆ្នាំដែលបានធ្វើឡើងកាលពីថ្ងៃទី ៧ ខែកក្កដា។
គូស្វាមីភរិយាដ៏ល្បីល្បាញមួយគូនេះត្រូវបានមហាជនជាច្រើនចាប់អារម្មណ៏យ៉ាងខ្លាំងចំពោះគម្លាតអាយុដ៏ច្រើនរបស់ពួកគេដល់ទៅ ១៧ឆ្នាំ ហើយពួកគេក៏បានកំណត់ពេលសម្រាប់ការសម្ភាសន៍មុនពេលពួកគេរៀបអាពាហ៍ពិពាហ៍។ Mina បាននិយាយថា “យើងបានចុះបញ្ជីអាពាហ៍ពិពាហ៍រួចហើយ តែខ្ញុំមានអារម្មណ៏ថាឥឡូវនេះពួកយើងពិតជាគូស្វាមីភរិយាដែលមានអាពាហ៍ពិពាហ៍”។
ដោយនៅក្នុងបទសម្ភាសហ៍គេបានឃើញ Ryu Phillip បានសម្រក់ទឹកភ្នែកចំពោះការតស៊ូលើសេចក្ដីស្នេហាមួយនេះ។ Ryu Phillip បានឆ្លើយតបថា “ខ្ញុំពិតជាបានសម្រក់ទឹកភ្នែកមែន” និងបានបន្ថែមថា “ខ្ញុំដឹងតាំងពីដំបូងថាខ្ញុំប្រាកដជាយំ”។ ឃើញបែបនេះ Mina បាននិយាយថា “ឈប់យំទៅ វាសឹងតែធ្វើអោយខ្ញុំយំតាមហើយ”។
ប្រែសម្រួល ៖ RathDy
