ភ្នំពេញ៖ យោងផេកហ្វេសប៊ុករបស់សម្តេចតេជោ ហ៊ុន សែន នៅរសៀលថ្ងៃទី២៩ខែមេសាបានសរសេរថា “…ចិននឹងបន្តគាំទ្រជួយដល់វិស័យការពារជាតិដល់ប្រទេសកម្ពុជាផងដែរ ហើយក្នុងន័យនេះ ឯកឧត្តមប្រធានាធិបតីចិន បានប្រកាសថា ចិននឹងជួយ ៦០០លានយ័ន ដល់វិស័យការពារជាតិកម្ពុជា”។,
ប្រធានាធិបតីចិនលោកស៊ីជីនភីងបានប្រកាសថាចិននឹងបន្តគាំទ្រជួយដល់វិស័យការពារជាតិកម្ពុជា៦០០លានយ័ន(ជិត៨៩លានដុល្លារ)។ការប្រកាសនេះនៅក្នុងជំនួបជាមួយសម្តេចនាយករដ្ឋមន្ត្រី ហ៊ុន សែន កាលពីព្រឹកថ្ងៃទី២៩ ខែមេសា ឆ្នាំ២០១៩ នៅក្រុងប៉េកាំង ប្រទេសចិន។
សម្ដេចតេជោនាយករដ្ឋមន្ត្រី ក៏បានអរគុណដល់ លោកប្រធានាធិបតី ស៊ី ជីនភីង ដែលបានចូលរួមជួយដល់កម្ពុជាដែលនឹងត្រូវប្រឈមជាមួយនឹងការ អ៊ីប៊ីអេ(EBA )របស់សហភាពអឺរ៉ុបដែលចំណុចនេះលោកលីខឺឈាងនាយករដ្ឋមន្ត្រីចិនក៏បានបញ្ជាក់ពីការខិតខំរបស់លោកក្នុងការជួយដល់ប្រទេសកម្ពុជាផងដែ។
ប្រធានាធិបតីចិន លោកស៊ី ជីនភីង បានមានប្រសាសន៍ថា កម្ពុជា និងចិនជាមិត្តដ៏ល្អនឹងគ្នា។ ប្រទេសយើងទាំងពីរបានចុះហត្ថលេខាលើឯកសារសំខាន់ៗជាពិសេសកិច្ចសហប្រតិបត្តិការរួមគ្នាដែលយើងអាចបន្តធ្វើការងារជាមួយគ្នាតាមផែនការសកម្មភាពហើយយើងត្រូវតែបន្តថែទាំមិត្តភាពនៃប្រទេសទាំងពីរអោយបានល្អ៕
